Saudiya Arabistoni Shahzodasi Turki Ben Saud al-Kabir qotillikda ayblanib qatl etildi. 2014 yil Ar-Riyoddagi ko‘ngilochar tadbir chog‘ida Shahzoda do‘sti Odil al-Mxemidni otib o‘ldirgan va yana bir kishini yaralagan.
 
O‘shanda Shahzodaning nomaqbul ishi qirollikda katta shov-shuv va g‘alayonga sabab bo‘lgandi. Shahzoda zudlik bilan hibsga olinib, shu yilning o‘zida sud uni qotillikda aybdor deb topgandi.
 
Ma’lumotlarga ko‘ra, Turki Ben Saud al-Kabirni qatl qilish to‘g‘risidagi qaror Saudiya Arabistoni Oliy sudi tomonidan qabul qilingan.
 
Shahzodaning qarindoshlari Odil al-Mxemidning oilasini moddiy jihatdan ta’minlash istagini bildirgan. Ammo Odil al-Mxemidning oilasi “qonli” pullarni olmasliklarini, qotil o‘z jazosini olishini talab qilishgan.
 
Eslatib o‘tamiz, qirollikda Shahzodani qatl qilish jarayoni tarixda birinchi bor kuzatilmoqda.