Xalq ta’limi vazirligining 07.12.2019-yil 393-sonli buyrug‘iga asosan maktabga pedagog xodimlarni ishga qabul qilishda quyidagi mezonlarga rioya qilish lozim:
Boshlang‘ich sinf o‘qituvchisi lavozimiga – boshlang‘ich ta’lim ixtisosligi bo‘yicha kamida o‘rta maxsus pedagogik ma’lumot yoki kamida bakalavr darajasidagi oliy ma’lumot va boshlang‘ich ta’lim ixtisosligi bo‘yicha dars berish huquqi bilan kasbiy qayta tayyorlov kursini tugatgan mutaxassislar;
Fan o‘qituvchisi lavozimiga – fan yo‘nalishiga to‘g‘ri keluvchi kamida bakalavr darajasidagi oliy pedagogik ma’lumot yoki kamida bakalavr darajasidagi oliy ma’lumot va fan yo‘nalishiga to‘g‘ri keluvchi pedagogik faoliyat yuritish huquqi bilan qayta tayyorlov kursini tugatgan mutaxassislar.
Shunga ko‘ra, sizning mutaxassisligingiz boshlang‘ich ta’limga oid bo‘lsa, sizga boshlang‘ich sinflardan dars ajratsa bo‘ladi.