Bosh prokuratura huzuridagi Departamentning Boysun tuman bo‘limi tomonidan o‘tkazilgan tergovga qadar tekshiruvlarda, “SH.G.” MChJ rahbari O.T. va “T-D.” MChJ rahbari O.Ch.lar hududdagi tijorat banki filialidan limonchilikni tashkil etish va rivojlantirish uchun 19 nafar fuqaroga ajratilgan jami 359,3 mln so‘m kredit mablag‘ini ta’minotchi sifatida o‘zlarining hisob raqamiga o‘tkazib olib, talon-toroj qilganliklari aniqlangan.
Mazkur holatlar yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan va 228 moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishlari qo‘zg‘atilib, tergov harakatlari o‘tkazilmoqda.