2020 yilda 656 347 kishi Rossiya Federatsiyasi fuqaroligiga qabul qilinib, rekord ko‘rsatkich qayd etilgan. Ma’lumot uchun, 2019 yilda ushbu ko‘rsatkich 497 817 kishini tashkil etgan edi.
Ma’lumotlarga ko‘ra, so‘nggi yillarda ushbu davlat fuqaroligini olganlar soni o‘sib bormoqda.
O‘tgan bir yilda Rossiya pasportiga ega bo‘lganlarning 3,5 foizi yoki 23 ming kishi O‘zbekistonning sobiq fuqarolari hisoblanadi.
O‘zbekistonga qo‘shni davlatlar hisoblanuvchi Tojikistondan 63,4 ming va Qozog‘istondan 43,4 ming kishi Rossiya fuqarolari safiga qo‘shilgan.
Shuningdek, 10 millionga yaqin chet el fuqarolari yoki fuqaroligi bo‘lmagan shaxslar migratsion ro‘yxatga qo‘yilgan.
Eslatib o‘tamiz, mamlakatimizda bir shaxs ham O‘zbekiston, ham boshqa davlat fuqaroligida yurishi mumkin emas.