OTMga davlat buyurtmasi parametrlari bakalavrlar tayyorlash bo‘yicha kunduzgi ta’lim shakliga – 115 343 ta, sirtqi ta’lim shakliga – 36 211 ta, kechki ta’lim shakliga – 6 325 ta; magistrlar tayyorlash bo‘yicha – 12 914 ta etib tasdiqlanishi mumkin. Nodavlat OTMlarga qabul kvotasi 56 ta etib belgilanishi mumkin.
Prezident qarori loyihasiga ko‘ra, Mahalla va oilani qo‘llab-quvvatlash vazirligi tavsiyanomasiga ega bo‘lgan xotin-qizlar uchun bakalavriat kunduzgi ta’lim shakli bo‘yicha 2 000 ta qo‘shimcha davlat granti ajratiladi.