2022 yil uchun O‘zbekiston Respublikasining Davlat byudjeti to‘g‘risidagi Qonun matni e’lon qilindi.

Ushbu Qonunda avtomobilni sotib olganlik uchun yig‘im nazarda tutilmagan. Demak, ushbu yig‘im 1 yanvardan to‘liq bekor qilindi.

Bungacha amalda bo‘lgan tartibga ko‘ra, avtosalondan yangi mashina sotib olganda shartnoma narxining 3%i miqdorida yig‘im to‘lanardi (masalan, 100 mln so‘mlik mashina uchun 3 mln so‘m, 300 mln so‘mlik bo‘lsa 9 mln so‘m).

Agar ikkilamchi bozordan mashina sotib olinganda ishlab chiqilgan yiliga qarab har bir ot kuchi uchun 29 ming 700 so‘mgacha yig‘im olinardi. Masalan, ishlab chiqarilganiga 3 yil to‘lmagan 100 ot kuchiga teng mashinani sotib olganlik uchun deyarli 3 mln so‘m yig‘im to‘lanardi.

Endi shu yig‘imlar 1 yanvardan to‘liq bekor qilindi.

Agar kimdir mashina sotib olganu, lekin “generalnaya doverennost" olib haydab yurgan bo‘lsa, unda endilikda mashinalarini o‘z nomlariga o‘tkazib olishlari mumkin.