Andijonda 83 yoshli erkak «MAN» tagida qolib halok bo‘ldi
6.02.2021 19:35,
173
5 fevral kuni soat 14:30 larda Andijon viloyati Asaka shahar “Beruniy” MFY I. Buxoriy ko‘chasidan o‘tgan “Farg‘ona xalqa yo‘li” avtomobil yo‘lining 164-kilometrida sodir bo‘lgan. Bu haqda YHXBB xabar berdi.
Ma’lum bo‘lishicha, “MAN”” rusumli yuk avtomobili haydovchisi D.B. da svetoforning qizil chirog‘ida to‘xtab turgan vaqtida, yo‘lni kesib o‘tayotgan fuqaro Yu.A.ni ko‘rmay qolib, harakatlanib yuborishi oqibatida urib yuborgan. Natijada, piyoda, 83 yoshli Yu.A. tan jarohatlari olib voqea joyida halok bo‘ldi.
Mazkur YTH yuzasidan Asaka shahar IIB huzuridagi TB tomonidan tergovga qadar dastlabki surishtiruv ishlari olib borilmoqda.