Internet o‘zbek segmentida Xalq ta’limi bo‘limi mudiri raqqosalar bilan banketda o‘tirgani aks etgan video tarqaldi.
Andijon viloyat xalq ta’limi boshqarmasi axborotiga ko‘ra, 5 fevral kuni internetda Xo‘jaobod tumani xalq ta’limi bo‘limi mudiri to‘g‘risida tarqalgan videoxabarlar nazoratga olindi va o‘rganilmoqda.
«O‘rganish natijalari yakunlariga ko‘ra to‘la ma’lumot taqdim etilishini ma’lum qilgan holda vaziyat to‘liq oydinlashgunga qadar shaxsga nisbatan turli talqinlarni ilgari surmasligingizni so‘rab qolamiz», - deyilgan xabarda.