«Arzon mashina olgan odamning qadri yo‘qmi?» Rasul Kusherbayev xavfsizlik yostiqchasi bo‘lmagan avtomobillar haqida

«Arzon mashina olgan odamning qadri yo‘qmi?» Rasul Kusherbayev xavfsizlik yostiqchasi bo‘lmagan avtomobillar haqida

Deputat Rasul Kusherbayev yo‘llarda sodir bo‘layotgan YTHlarda O‘zbekistonda ishlab chiqarilayotgan mashinalar sifatining pastligi va xavfsizlik jihatidan jihozlanmaganligi ham sabab bo‘layotganini ta’kidladi.

«Ilgari odamlarni temir o‘ldirgan bo‘lsa, hozir plastmassa o‘ldiryapti. Nima farqi bor? Avtomobillaringiz agar shunchalik yaxshi chiqayotgan bo‘lsa, nimaga haligacha o‘lim xavfi ko‘payib bormoqda? Siz mashinalaringizni o‘sha chet el mashinalari bilan solishtiring. Siz (UzAutoMotors) faqat bizniki yaxshi, yaxshi deb aytasiz», — dedi u.

Deputat arzon narxlarda sotilayotgan mashinalarda xavfsizlik yostiqchalari yo‘qligini qayd etdi.

Avtomobil yo‘llari bo‘yicha mutaxassis Orifjon Nazarov mashinalar sifatini tanqid qilishdan ko‘ra, haydovchilar madaniyatini oshirish kerakligini ta’kidladi.