Rossiya Qurolli kuchlari Xarkov viloyatiga 30 tonna gumanitar yordam yetkazib berdi, deb xabar qildi Rossiya Mudofaa vazirligi — deya yozmoqda RIA novosti.

"Belgorod viloyatidan Xarkov viloyatidagi Rossiya-Ukraina chegarasi yaqinida joylashgan Ukraina chegaradosh aholi punktlari hududiga rossiyalik harbiylar gumanitar yuklar partiyasini yetkazib berishdi.

Shaharga umumiy hajmi 30 tonnadan ortiq bo‘lgan gumanitar yordam yetkazildi. Volchansk va shahar tipidagi Kazachya Lopan aholi punkti qo‘shni Belgorod viloyatidan mahalliy aholi talabiga binoan gumanitar yordamlar yetkazildi”, — deyiladi vazirlik xabarida.

Ularning ta’kidlashicha, yuklar tarkibida oziq-ovqat mahsulotlari – don, go‘sht va baliq konservalari, qandolat va non mahsulotlari, shirinliklar, ichimlik suvi bor. Gumanitar karvon xavfsizligi rossiyalik harbiy xizmatchilar tomonidan ta’minlangan.