Ushbu tartib prezident 30 iyuldagi tegishli qarori bilan joriy etilmoqda.
Unga ko‘ra, 2021/2022 o‘quv yilidan barcha OTMlar bakalavriatining kunduzgi ta’lim shaklida va magistratura bosqichida to‘lov-kontrakt asosida tahsil olish uchun ta’lim krediti ajratishning yangi tizimi yo‘lga qo‘yiladi:
Tijorat banklari ta’lim kreditlarini Markaziy bankning asosiy (14%) stavkasida ajratadi. Stavka tushsa kredit foizi ham tushadi va aksincha oshsa foiz o‘zgarmaydi;
Kreditning asosiy qismi talabaning rasmiy o‘qishi tugagandan so‘ng yettinchi oydan boshlab 7 yil davomida qaytariladi;
Kreditni rasmiylashtirish va qaytarishda talabaning doimiy daromad manbaiga ega bo‘lgan oila a’zolari birgalikda qarz oluvchi sifatida qatnashishiga ruxsat etiladi;
“Ijtimoiy himoya yagona reyestri”dagi oilalar farzandlaridan garov va kafilliklar talab etilmaydi.