"Barselona" tarkibida katta o‘zgarish bo‘lishi kutilmoqda — 14 nafar futbolchi klubni tark etishi mumkin
15.05.2021 17:20,
304
«Barselona» rahbariyati muvaffaqiyatsiz mavsumdan so‘ng jamoa tarkibini jiddiy tarzda yangilashni rejalashtirmoqda.
Mundo Deportivo‘ning yozishicha, jamoani taxminan 14 nafar futbolchi tark etishi mumkin. Ular orasida darvozabon Neto, himoyachilar Samyuel Umtiti va Xunior Firpo, yarimhimoyachilar Miralem Pyanich, Filippe Koutino va Mateus Fernandes hamda hujumchi Martin Breytueyt bor.
Futbolchilarni sotish, almashtirish va ijaraga berish rejalashtirilgan.
Bundan asosiy maqsad — tarkibda sifatli o‘yinchilarga joy ajratish, ish haqi to‘lovlarini tejash.
Shuningdek, ayrim futbolchilar bilan shartnomalarni bekor qilish varianti ham ko‘rib chiqilmoqda.