"Bilayn" kompaniyasi xodimi sabab Uchtepadagi 62-oilaviy poliklinika yopildi
18.05.2020 14:03,
1020
Bugun AOKA shtabida Bosh davlat sanitariya inspektori Nurmat Otabekov ishtirokida brifing bo‘lib o‘tdi.
Brifingda muhim savol va murojaatlar yuzasidan javob qaytarildi.
— Toshkent shahri Uchtepa tumanidagi 62-oilaviy poliklinika nima uchun yopildi?
— Uchtepa tumanidagi 62-sonli oilaviy poliklinika haqiqatan yopilgan.
"Bilayn" kompaniyasida ishlaydigan karantindagi xodim poliklinikaga kelgani sababli o‘sha kuni navbatchilikda bo‘lgan 11 nafar shifokor Yuqori-chirchiq tumani, O‘rtasaroy aholi yashash punktidagi karantin zonasiga yuborildi, qolganlari uy sharoitida karantinda qolgan.
Ularning birontasida ham koronavirus aniqlanmagan, faqatgina muloqotda bo‘lganliklari uchun 14 kun davomida karantin sharoitida tibbiy nazorat ostida bo‘lishadi.