Bugundan “zapravka”larda benzin arzonlashadi
26.11.2021 19:01,
561
Bugun, 26 noyabrdan boshlab AI-80 markali avtomobil benzining narxi arzonlashadi. Bu haqda “O‘zbekneftegaz” AJ Matbuot xizmati ma’lum qildi.
Ta’kidlanishicha, bugun soat 21:30 dan “O‘zbekneftegaz”ning Toshkent shahri va Toshkent viloyatidagi barcha AYoQSh larda AI-80 markali avtomobil benzini 6 890 so‘mdan sotuvga chiqadi.
“Benzin taqchilligini oldini olish uchun “O‘zbekneftgaz” AJ va “Tovar xomashyo birjasi” AJ hamkorligida chora-tadbir ishlab chiqildi.
Respublika hududidagi “O‘zbekneftgaz” AJning barcha AYoQShlarda benzin bo‘lishi ta’minlanadi”, deyiladi xabarda.