Toshkentning Chilonzor tumanidagi Mahmudjon G‘afurov ko‘chasida transport vositalarining harakatlanishi 10 noyabrgacha cheklangani haqida xabar berilgandi. Toshkent shahar hokimligining ma’lum qilishicha, yo‘lda ta’mirlash ishlari yana 5 kun davom etadi.
Qayd etilishicha, mazkur yo‘l qismida qo‘shimcha ta’mirlash ishlari olib borilayotgani sababli, harakatlanishning cheklanishi 2021 yil 15 noyabr kuniga qadar davom etadi.
Hokimlik yuzaga kelgan noqulaylik uchun uzr so‘ragan.