Nurmat Atabekovning fikriga ko‘ra, SARS-CoV-2ning omikron shtammi uchun alohida protokol ishlab chiqish masalasini vaqt ko‘rsatadi. Shunga qaramay, mavjud diagnostika, davolash va profilaktika imkoniyatlaridan samarali foydalanish bu virus turiga qarshi ham natija beradi.
Vaksinalar SARS-CoV-2ning har qanday mutatsiyaga uchragan shtammiga qarshi samara beradi. Hatto yangi shtammni yuqtirib olgan holatda ham barcha dozada emlanganlarda kasallik yengil va jiddiy asoratlarsiz o‘tadi.
Qolaversa, mamlakatimizda ayni paytda aholiga ixtiyoriy ravishda buster-doza bilan emlanishlari uchun imkoniyatlar yaratib berilgan.
Mutaxassisning aytishicha, yangi shtammning yurtimizga kirib kelishi va aholi o‘rtasida tarqalishining oldini olishda karantin qoidalariga amal qilish juda muhim hisoblanadi.