28 fevral kuni ijtimoiy tarmoqda “Farg‘ona yo‘lidagi savodsiz GAI xodimi” sarlavhasi ostidagi video lavha tarqaldi.
Holat yuzasidan O‘zbekiston Respublikasi IIV YHXBB Rasmiy Munosabat bildirdi.
Video lavha o‘rganilganda, joriy yilning 27 fevral kuni Toshkent shahar IIBB YHXB YPX xodimi S.Madaminov Mirobod tumani, Yangi Qo‘yliq ko‘chasida xizmat olib borayotgan vaqtida Qo‘yliq bozori tomonidan Farg‘ona yo‘li ko‘chasi bo‘ylab harakatlanib kelib, Yangi Qo‘yliq ko‘chasiga burilgan “Cobalt” rusumli avtomobil haydovchisini to‘xtatgan.
Xodim va haydovchi o‘rtasidagi o‘zaro muloqot haydovchi tomonidan video tasvirga olinib ijtimoiy tarmoqda tarqatilgan.
Video lavhada, YPX xodimi xato va kamchiliklarga yo‘l qo‘yganligi holati aks etgan.
Mazkur holat yuzasidan Toshkent shahar IIBB YHXB tomonidan xizmat tekshiruvi o‘tkazilmoqda.