Farg‘onadagi bozorda yong‘in yuz berdi
23.01.2021 11:32,
258
O‘zbekiston tumani markazida joylashgan “Yangi Bozor SMR” MChJ savdo majmuasida yong‘in kelib chiqdi.2021 yilning 22 yanvar kuni soat 05:30lar atrofida O‘zbekiston tumani “Bozor Yaypan” MFY, Ibn Sino ko‘chasida joylashgan “Yangi Bozor SMR” MChJ savdo majmuasida yong‘in kelib chiqqan.
Dastlabki ma’lumotlarga ko‘ra, yong‘inni kelib chiqishiga kuchli shamol va elektr simlarining qisqa tutashuvi sabab bo‘lgan.
Hodisa oqibatida tan jarohati olganlar yo‘q.Yong‘in tegishli kuch vositalar yordamida o‘z vaqtida bartaraf etilgan.
Mazkur holat yuzasidan O‘zbekiston tuman IIB huzuridagi tergov bo‘limi hamda FVB xodimlari tomonidan tekshiruv o‘tkazilmoqda.