Namangan viloyati IIB Axborot xizmatining xabar berishicha: Joriy yil 23 fevral kuni, Uychi tumanida yashovchi fuqaro tuman IIBga ariza bilan murojaat bilan chiqdi. Unda 2019 yil iyul oyida shu tumanda yashovchi fuqaro uning ishonchiga kirib, molxonasidan 3 bosh mollarini 50.000.000 so‘mga sotib olishga kelishadi. Pullarni 10 kun muddatda berishini aytib, mollarni olib ketadi, pullarini o‘z vaqtida bermay, oradan bir qancha vaqt o‘tgach, Qozog‘iston Respublikasidan zotli qora mollarni olib kelib berishini aytadi va undan yana 2.000 AQSh dollarini olib ketib, o‘zining shaxsiy ehtiyojlari uchun ishlatib yuborganligini ma’lum qiladi.
Ushbu holat bo‘yicha tuman IIB huzuridagi tergov bo‘limi tomonidan Jinoyat kodeksining 168-moddasi 2-qismi bilan jinoyat ishi qo‘zg‘atilgan.