O‘zbekistonlik MMA sportchisi Mahmud Murodov o‘zining UFC’dagi uchinchi jangini 18 aprel kuni o‘tkazadi. Bu haqida sportchining o‘zi Instagram sahifasida ma’lum qildi.
«Assalomu alaykum hammaga. Men keyingi jang bo‘yicha shartnomaga imzo chekdim. Navbatdagi jang AQShning Nyu-York shahrining Bruklinida bo‘lib o‘tadi. Jang sanasi esa 18 aprel. Inshaalloh, navbatdagi g‘alabani birga nishonlaymiz. Bizni qo‘llab-quvvatlab turgan barchaga rahmat. Birgalikda tarix yozamiz. Alhamdulilloh», deb yozdi Mahmud Murodov.
18 aprel kuni (Toshkent vaqti bilan 19 aprel kuni saxar) UFC 249 musobaqasi bo‘lib o‘tadi. Kechaning asosiy jangi esa Habib Nurmagomedov hamda Toni Fergyuson o‘rtasida kechadi. Murodov esa kecha anderkardida jang qiladi.