27 oktyabr kuni soat 13:30da Qashqadaryo viloyatining Chiroqchi tumanida 19 yoshli I.N. boshqaruvidagi to‘xtab turgan Nexia avtomobilida gaz balloni portlab ketgan. Bu haqda IIV YHXBB xabar bermoqda.
Hodisa oqibatida haydovchi I.N. va 18 yoshli yo‘lovchi Sh.S. og‘ir tan jarohatlari bilan shifoxonaga yotqizilgan.
Mazkur hodisa yuzasidan Chiroqchi tumani IIB FVB va prokuraturasi tomonidan dastlabki surishtiruv harakatlari olib borilmoqda.