Ijtimoiy tarmoq va messendjerlarda jismoniy imkoniyatlari cheklangan (kar-soqov) qiz va yigit o‘rtasidagi kelishmovchilik videosi tarqaldi.

 Mazkur video Toshkent shahar IIBB xodimlari tomonidan o‘rganilibdi, quyidagi ma’lumot berildi. 

 Janjallashgan fuqarolarning shaxslari aniqlandi. Ma’lum bo‘lishicha, joriy yilning 20 avgust kuni taxminan soat 08.00 da Chilonzor tumani Sharq mahallasi hududida 22 yoshli M.M. va 27 yoshli U.K. o‘rtasida pul sababli janjal kelib chiqqan. Badan shikastlari og‘irligi darajasini aniqlash maqsadida sud-tibbiy ekspertiza tayinlandi. Tergov oldi tekshiruvi natijalariga ko‘ra zarur choralar ko‘riladi.