"Twitter Inc." tadbirkor Ilon Mask kompaniyani har bir aksiya uchun 54,20 dollar to‘laganini va umumiy qiymati 44 milliard dollarga yaqin shartnoma imzolanganini e’lon qildi.

Kelishuv yakunlangach, "Twitter" xususiy kompaniyaga aylanadi, deyiladi ijtimoiy tarmoq bayonotida.

Shu tariqa "Twitter" Ilon Mask tomonidan sotib olinishi haqidagi gap-so‘zlar o‘z isbotini topdi.

Ushbu xarid haqida Mask: So‘z erkinligi — amaldagi demokratiyaning asosi. "Twitter" esa raqamli maydoni bo‘lib, unda insoniyat kelajagi uchun muhim masalalar muhokama qilinadi. Men uni har qachongidan ham yaxshiroq qilishni xohlayman.