Jahon banki (JB) koronavirus tufayli global iqtisodiyotda chuqur retsessiyani taxmin qilmoqda. Inqiroz natijasida butun dunyo bo‘ylab 60 milliongacha odam o‘ta qashshoqlikda qolishi mumkin edi. Bu haqda Jahon banki prezidenti Devid Melpas ma’lum qildi, deya xabar beradi tashkilot matbuot xizmati.
Bugungi kunda bank dunyo aholisining 70 foizini tashkil etadigan 100 ta mamlakatda kreditlarni taqdim etadi. Jahon banki rivojlanayotgan mamlakatlar iqtisodiyotiga COVID-19 pandemiyasi va karantin cheklovlarining oqibatlarini yengishga yordam berish uchun 2021 yil o‘rtalariga qadar 160 million dollar miqdoridagi grantlar va moliyaviy ko‘maklarni berishga va’da berdi.
"Ushbu pandemiya va rivojlangan davlatlar iqtisodiyotidagi qisman to‘xtatish 60 million kishini o‘ta qashshoqqa aylantirishi va so‘nggi yillarda qashshoqlikni kamaytirish sohasidagi ko‘plab yutuqlarni bekor qilishi mumkin", - dedi Melpas.
Shuningdek, u qarz beruvchi davlatlarni bir qator rivojlanayotgan davlatlar tomonidan qarzlarni to‘lashga moratoriy e’lon qilgan G20 tashabbusiga qo‘shilishga chaqirdi.