Koronavirus xavfi sabab Ozarbayjon barcha maktablarni yopdi
2.03.2020 18:32,
473
Ozarbayjonda koronavirus tarqalish xavfi tufayli 3-9 mart kunlari barcha maktablar yopiladi. Bu haqda mamlakat Vazirlar mahkamasi qoshidagi operativ shtab ma’lum qildi.
"3-9 mart kunlari barcha ta’lim muassasalarida o‘quv jarayoni to‘xtatiladi", deyiladi xabarda.
Ozarbayjonda 3 kishi, jumladan bir Rossiya fuqarosi koronavirusni yuqtirib olgan.
Ozarbayjonning qo‘shnisi Eronda esa 1500 kishi koronavirus yuqtirgan, 66 kishi vafot etgan.