AQSHda koronavirus yuqtirishdan qo‘rqib 3 oy aeroportda yashagan odam topildi.
36 yoshli Aditya Singx 16-yanvarda undan shaxsini tasdiqlovchi hujjat so‘rashgandan so‘ng qo‘lga olingan. U Los Anjelesdan kelgach, oktabrdan beri Chikago aeroportining xavfsizlik zonasida yashab kelgan.
Qo‘lida aeroport xodimlaridan birining beydjigi bo‘lgan Aditya Singx uni topib olganini, yo‘lovchilar baham ko‘rgan yeguliklar bilan kun ko‘rib kelganini aytgan. Unga aeroportga noqonuniy kirish va o‘g‘rilik aybi qo‘yilishi mumkin.