Bugun AOKA zalida Koronavirusga qarshi kurash shtabi a’zosi Barno Abdusamatova ishtirokida o‘tkazilgan brifingda infeksiya va uni davolash bo‘yicha savollarga javob qaytarildi:
— Koronavirusdan tuzalgan inson virus tashuvchi bo‘lib qoladimi?
— Koronavirus kasalligi tuzaladigan kasallik. Bu infeksiya bilan zararlanish bu butun hayoti davomida virus tashuvchisi bo‘lib qoladi degani emas.
COVID-19 yuqtirib olgan insonlarning ko‘pchiligi tuzalib ketadi, virus esa organizmdan chiqib ketadi. Inson simptomlar paydo bo‘lgandan 10 kun davomida infeksiya tashuvchisi bo‘ladi (agar belgilar bo‘lsa), bu infeksiya yuqqandan taxminan 2 haftani tashkil etadi.
Birinchi simptomlar paydo bo‘lgan kundan eng kamida 10 kun va tuzalgandan keyin yana 3 kun o‘tishi kerak.