Shavkat Mirziyoyev Turkiy tilli davlatlar hamkorlik kengashining yettinchi sammiti doirasida 14 oktyabr kuni kechqurun Ozarbayjon Respublikasi prezidenti Ilhom Aliyevning mehmoni bo‘ldi.
Kengashga a’zo mamlakatlar davlat va hukumat rahbarlari ishtirok etgan kecha juda samimiy o‘tdi. Unda Ozarbayjon Respublikasi prezidenti Ilhom Aliyev va birinchi xonim Mehribon Aliyeva, O‘zbekiston Respublikasi prezidenti Shavkat Mirziyoyev, Turkiya Respublikasi prezidenti Rejep Tayyip Erdog‘an va uning turmush o‘rtog‘i, Qirg‘iziston Respublikasi prezidenti Sooronbek Jiyenbekov, Qozog‘iston Respublikasining birinchi prezidenti Nursulton Nazarboyev va Vengriya bosh vaziri Viktor Orban ishtirok etdi.