Futbol bo‘yicha Ispaniya chempionatining 1-tur qoldirilgan uchrashuvi doirasida «Real» 9 fevral, seshanba kuni «Xetafe»ga qarshi bahs yuritdi.
Uchrashuvning birinchi bo‘limida darvozalar dahlsiz qoldi. 60-daqiqaga kelib madridliklar hujumchisi Karim Benzema hisobni ochdi. Birinchi goldan 6 daqiqa o‘tib, Ferlan Mendi «Real» g‘alabasini mustahkamladi.
Shunday qilib Zinedin Zidan shogirdlari ochkolari sonini 46 taga yetkazib, La Liga jadvalida 2-o‘ringa ko‘tarilib oldi. Jamoa peshqadam «Atletiko M»dan 5 ochko ortda qolmoqda. Biroq Madridning «Atletiko» jamoasi zaxirasida 2 ta o‘yin bor.
La Liga
1-tur bahsi (qoldirilgan o‘yin)
9 fevral, seshanba
«Real Madrid» — «Xetafe» 2:0
Gollar: 1:0 – 60 Benzema, 2:0 – 66 Mendi.
«Real Madrid»: Kurtua, Varan, Marselo (Viktor Chust, 86), Mendi, Nacho, Modrich, Kazemiro, Vinisius Junior, Marvin (Arribas, 55), Asensio (Isko, 76), Benzema.
«Xetafe»: Soriya, Olivera, Shakla, Kabako (Timor, 73), Suares, Arambarri, Kukurelya (Unal, 73), Portilyo (Alenya, 55), Maksimovich, Anxel Rodriges (Kubo, 55), Ernandes (Mata, 54).
Ogohlantirishlar: Shakla (52), Mendi (71).