⚡️Avtomobilda Ukrainadan Polsha chegarasi tomon harakatlanayotgan uch nafar yurtoshimiz avtohalokatga uchradi
5.03.2022 15:15,
203
Lvov shahridan Polsha chegarasi tomon harakatlanayotgan, ichida 3 nafar o‘zbekistonlik bo‘lgan avtomobil avtohalokatga uchradi. Bu haqda O‘zbekistonning Ukrainadagi Elchixonasi xabar bermoqda.
Avtohalokat oqibatida 1 nafar yurtdoshimiz halok bo‘lgan, 2 nafari Lvov shahridagi Topolnaya kasalxonasiga joylashtirilgan. Ushbu yigitlarning hol-ahvoli, dori-darmoni nazorat ostida ekani ma’lum qilingan.
O‘z navbatida, O‘zbekistonning Ukrainadagi Elchixonasi avtohalokatga uchragan yigitlarning yaqinlariga mazkur vaziyat nazorat ostida ekanini ma’lum qilgan, shuningdek, avtohalokat qurboni bo‘lgan 1 nafar yurtdoshimizni O‘zbekistonga yuborishda amaliy yordam ko‘rsatishga tayyorligini bildirgan.