MIB xodimini mahalla raisi bolta bilan kaltakladi
21.01.2021 18:13,
528
Qashqadaryoda viloyati Kasbi tumanida mahalla raisi MIB xodimini bolta bilan kaltakladi. Bu haqda Xabar.uz xabar berdi.
Ma’lum bo‘lishicha, hodisa Kasbi tumanida 20 yanvar kuni sodir bo‘lgan. MIB xodimi fuqaro B.Q.dan sud qaroriga ko‘ra 10 731 742 so‘m soliq qarzdorligi hamda 429 270 so‘m davlat bojini undirish uchun kelgan.
Lekin B.Q. xodimga qarshilik ko‘rsatib, uni bolta bilan urgan. Mahalla raisi MIB xodimining chap yelkasi orqa tomoniga tan jarohati yetkazgan.
Hozirda holat yuzasidan huquq tartibot organlari tomonidan tergovoldi tekshiruv harakatlari olib borilmoqda.