Namangan shahrida yo‘l-patrul xizmati xodimi xizmat mashinasida qoidani buzgani haqida xabarlar tarqaldi. Yo‘l harakati xavfsizligi bosh boshqarmasi mazkur xodimga chora ko‘rilganini ma’lum qildi.

Xabarga ko‘ra, Namangan shahrida Ichki ishlar organlari faoliyatini muvofiqlashtirish bo‘limi YHXBga tegishli bo‘lgan «Lacetti» rusumli, 50 400 VSF davlat raqam belgili maxsus xizmat avtomobili haydovchisi yo‘l harakati qoidalarining 3-bandida belgilangan talablarni buzgan holda, 1.1 yo‘l yotiq chizig‘ini bosib harakatlangan.

Ma’lum qilinishicha, holat o‘rganilgan va «Lacetti» rusumli maxsus xizmat avtomashinasi biriktirilgan haydovchi xodim N.A.ga nisbatan belgilangan tartibda chora ko‘rildi.