Navoiy viloyatida poyezd yaqinlashayotgani sababli yopilayotgan temir yo‘l kesishmasidan o‘tib ketishga uringan «Cobalt» avtomobili kesishmaning ko‘tariluvchi temir moslamasiga urilib yonib ketdi. Bu haqda «Sevimli» telekanalining «Zamon» dasturida xabar berildi.

Ma’lum bo‘lishicha, viloyatning «Qiziltepa» va «Quyimozor» temir yo‘l bekatlari oralig‘ida joylashgan yo‘l kesishmasida 28 yoshli yigit «Cobalt» avtomobilida kesishmadan o‘tib ketmoqchi bo‘lan. Biroq haydovchi kesishmadagi ko‘ratiluvchi temir moslamasi yopilayotgan vaqtida unga borib urilgan. Oqibatda uning mashinasi yonib ketgan.