Dehqonobod tumani aholisining ichimlik suv ta’minotini yaxshilash bo‘yicha amalga oshirilayotgan “Oqsuv-Dehqonobod” magistral suv quvurini qurish jarayoni haqida Nasafnews xabar bermoqda.

Dehqonobodliklarni toza ichimlik suvi bilan ta’minlash uchun Prezident topshirig‘iga ko‘ra “Oqsuv-Dehqonobod” loyihasi amalga oshirilmoqda.

Unga ko‘ra, uzunligi 77 kilometr, diametri 1—4 metr bo‘lgan magistral suv quvuri tortish rejalashtirilgan. Bu juda og‘ir loyiha, chunki quvurlarni tog‘ning ustidan olib o‘tish kerak. Shunday bo‘lsa ham hozirda ish qizg‘in.