Tibbiy-ijtimoiy xizmatlarni rivojlantirish agentligida  Nogironligi bo‘lgan shaxslar ishlari bo‘yicha idoralararo kengaytirilgan videoselktor bo‘lib o‘tdi.

Tibbiy-ijtimoiy xizmatlarni rivojlantirish agentligi 
axborot xizmatining xabariga ko‘ra, yig‘ilishda nogironligi bo‘lgan shaxslarning hayotini yanada yaxshilash, xatlov ishini boshlash, ularning ro‘yxatini shakllantirish hamda ba’zaga joylash bo‘yicha har bir viloyat va tumanlarda maxsus shtab tuzish haqida alohida ko‘rsatma berildi. 

Tizimdagi eng muhim vazifalardan biri – xatlov. 2022 yilning yanvar oyida Respublika bo‘ylab ishchi guruh o‘z faoliyatini boshlashi, sifatli va aniq ish olib borishi kerakligi ta’kidlandi.

Tuman tibbiy-ijtimoiy xizmatlarni rivojlantirish bo‘limi boshlig‘i,  tibbiy-ijtimoiy ekspertiza inspeksiyasi raisi bilan uyushgan holda mahallabay ishlashni yo‘lga qo‘yishi, uyma-uy yurib, mahalla raisi va QVP, OP xodimlari bilan nogironligi bo‘lgan shaxslarni qayta ro‘yxatga olishi va bu ishni 2022 yilning fevral oyiga qadar tugatish zarurligi belgilandi.