Nukusda YPX xodimi alkotester o‘rniga o‘z telpagidan foydalandi
1.12.2021 20:12,
163
Ijtimoiy tarmoqlarda YPX xodimi haydovchini mastligini aniqlash uchun o‘z telpagidan foydalangani aks etgan video tarqaldi. Bunga IIV Yo‘l harakati xavfsizligi bosh boshqarmasi (YHXBB) munosabat bildirdi.
Qayd etilishicha, voqea joriy yilning noyabr oyida Qoraqalpog‘iston respublikasi Nukus shahridagi dehqon bozori oldida ro‘y bergan. U yerda xizmat olib borayotgan YPX xodimi Z.M. “Matiz” mashinasini to‘xtatgan.
YPX xodimi o‘zaro muloqot vaqtida bosh kiyimini yechgan va haydovchidan puflashini so‘ragan.
Holat yuzasidan Qoraqalpog‘iston IIV YHXB xizmat tekshiruvini o‘tkazmoqda.