O‘zLiDeP fraksiyasida Bosh vazir tavsiyasiga asosan Buxoro viloyati hokimi vazifasida ishlab kelgan O‘ktam Isayevich Barnoyevni Bosh vazirning agrar va oziq-ovqat sohalarini rivojlantirish masalalari bo‘yicha o‘rinbosari lavozimiga tasdiqlash masalasi ko‘rib chiqildi. Bu haqda deputat Rasul Kusherboyev xabar qildi.
Fraksiya a’zolari O‘zLiDeP a’zosi bo‘lgan O‘. Barnoyev nomzodini ushbu lavozimga ma’qullash haqidagi qarorni tasdiqladilar.
O‘. Barnoyev nomzodini endi Qonunchilik palatasining yalpi majlisida tasdiqlash masalasi ko‘rib chiqiladi.