Oltinko‘lda «Damas» avtomobili Farg‘ona kanaliga tushib ketdi. Bu haqda YHXBB xabar berdi.
22 fevral kuni soat 14:20 da Andijon viloyati Oltinko‘l tumani «Chaqqon 2» MFY hududidan o‘tgan ichki yo‘lda, haydovchi 1994 yilda tug‘ilgan Z.A. «Damas» rusumli avtomobilni boshqarayotib, ehtiyotsizligi oqibatida boshqaruvni yo‘qotgan va transport vositasi yo‘ldan chiqib ketib, Farg‘ona kanaliga tushib ketgan.
Hodisa natijasida tan jarohati olganlar yo‘q.
Ko‘rilgan choralar natijasida avtomobil kanaldan olib chiqilgan. Hodisa yuzasidan tuman IIB YHXB tomonidan surishtiruv ishlari olib borilmoqda.