O‘rta Chirchiq tumani maxsus karantin zonasida ko‘ngilli sifatida ishlab kelgan, tuman tibbiyot birlashmasi tug‘ruq uyida hamshira bo‘lib ishlovchi ayoldan koronavirus infeksiyasiga gumonlanuvchi sifatida tahlillar olinganda, «musbat» natija aniqlangan.

Tug‘ruq uyi 7 iyun kuni profilaktik dezinfeksiya tadbirlari o‘tkazish uchun yopilgan.

Bemorning yashash xonadoni, u bilan birlamchi muloqotda bo‘lgan ishchi-xodimlar, oila a’zolari uy sharoitida 14 kunlik tibbiy kuzatuvga olindi.

Hamshiraning oila a’zolari ishlaydigan go‘zallik saloni faoliyati to‘xtatildi.