“O‘zbekkino” Milliy agentligi buyurtmasiga binoan “Multiplikatsion filmlar studiyasi” DUK tomonidan “O‘tmish afsonalari” nomli 10 qismli animatsion film yaratiladi. Bu haqida “O‘zbekkino” Milliy agentligi Axborot xizmati xabar bermoqda.
Mazkur multserialda Tohir, Zuhra, Amir va Salim ismli qahramonlarning o‘tmishga sayohati aks ettiriladi. Animatsion film tarbiyaviy ahamiyatga ega bo‘lib, unda O‘zbekistonning tarixiy shaharlari, obidalari hamda buyuk ajdodlarimiz hayoti tasvirlanadi.
Hozirda multserial uchun ijodiy jamoani shakllantirish hamda animatsion grafiklar yaratish jarayonlari ketmoqda.