17 noyabr kuni Iroq, Suriya, Afg‘oniston, Yaman, Livan, Liviya fuqarolari uchun O‘zbekiston hududi orqali Belarusga havo tranzitini vaqtinchalik taqiqlash joriy etildi. Bu haqda «O‘zavatsiya» vakiliga asoslanib RIA Novosti ma’lum qilmoqda.

«17 noyabrdan Iroq, Suriya, Yaman, Livan, Liviya va Afg‘oniston fuqarolarining tranzit yo‘lovchilarining O‘zbekiston Respublikasi orqali Belarus Respublikasi hududiga kirishiga vaqtinchalik cheklovlar joriy etildi», — deya ta’kidlagan «O‘zavatsiya» vakili.

«Ushbu muddat diplomatik pasport egalari va Belarusda yashash uchun ruxsatnomaga ega bo‘lganlarga taalluqli emas», — deya qo‘shimcha qilgan agentlik.

Eslatib o‘tamiz, Belarus va Polsha chegarasida so‘nggi haftalarda YeI mamlakatlariga borishga umid qilayotgan bir necha ming muhojirning to‘planishi tufayli vaziyat keskinlashdi. Polsha hukumati chegara xavfsizligini kuchaytirdi, harbiylarni jalb qildi va noqonuniy muhojirlarning mamlakatga kirishga urinishlariga barham berdi. Shuningdek, migratsiya inqirozida Minskni aybladi.

Belarus bu ayblovlarni rad etib, Polsha o‘z hududiga muhojirlarni majburan chiqarib yuborayotganini da’vo qilmoqda.