Osiyo Futbol Konfederatsiyasi Jahon chempionati-2022 va Osiyo kubogi-2023 qo‘shma saralash bosqichining qoldirilgan uchrashuvlari sanasini ma’lum qildi.

O‘zbekiston Futbol Assotsiatsiyasiga yuborilgan rasmiy xatga ko‘ra, saralash o‘yinlari 8 oktyabrdan qayta start beriladi va 17 noyabr kuni 2-bosqich bahslariga yakun yasaladi.

7-turni dam olish sifatida o‘tkazib yuboradigan O‘zbekiston milliy terma jamoasi saralashdagi o‘z yurishini 13 oktyabr kuni Yamanga qarshi bahs bilan davom ettiradi.

Milliy jamoamiz 12 noyabr kuni o‘z maydonida Singapurni qabul qilsa, 17 noyabrda bo‘lib o‘tadigan so‘nggi tur bahsida Saudiya Arabistoni mehmoni bo‘ladi.