2019 yilda O‘zbekistonda yashirin iqtisodiyotning YaIMdagi ulushi 52,11 foizni tashkil etdi. Markaziy Osiyo davlatlarida ushbu ko‘rsatkich pastroq — Tojikistonda 40,76 foiz, Qozog‘istonda 36,65 foiz va Qirg‘izistonda 30,53 foizga yetgan, deb xabar berdi Iqtisodiy taraqqiyot va kambag‘allikni qisqartirish vazirligi axborot xizmati.
Yashirin iqtisodiyotning ulushi jahon mamlakatlari, jumladan, AQShda 8,0%, Kanadada 11,0%, Germaniyada 10,2%, Buyuk Britaniyada 9,6%, Avstraliyada 9,0%, Singapurda 8,6% va Yaponiyada 8,1%ni tashkil qildi.
Qolaversa, 2018 yilning 12 yanvarida O‘zbekistonda yashirin iqtisodiyot hajmi YaIMning 50 foizidan ko‘prog‘ini tashkil etishi aytilgandi.
2020 yilning 9 sentyabrida DSQ O‘zbekistonda 245 trln so‘m mablag‘ soya ostida ekanligini, yashirin iqtisodiyotning ulushi esa tahminan 48 foizga to‘g‘ri kelishini xabar qilgan.