O‘zbekistonda 2020 yilda tug‘ilgan chaqaloqlarga eng ko‘p berilgan ismlar qaysilar ekanligi ma’lum bo‘ldi. Bu haqida Davlat xizmatlari agentligi matbuot xizmati xabar qildi.
Agentlik ma’lumotlariga ko‘ra, Muhammadali va Soliha ismlari respublika bo‘yicha eng ko‘p qo‘yilgan. Xususan, 19 383 bolaga Muhummadali, 18 616 chaqaloqqa Soliha ismlari berilgan.
Ma’lumot o‘rnida, 2019 yilda tug‘ilgan chaqaloqlarga ham eng ko‘p ushbu ismlar berilgan. O‘sha yili Muhammadali ismi 11 305 nafar chaqaloqqa va Soliha ismi 12 461 nafar chaqoloqqa qo‘yilgan.