Minsk shahrida O‘zbekiston tashqi ishlar vaziri Abdulaziz Komilov MDH davlatlari tashqi ishlar vazirlari Kengashi yig‘ilishida qatnashdi.

Vazirning jurnalistlarga ma’lum qilishicha, O‘zbekiston hududida AQShning terrorizmga qarshi kurashish bo‘yicha qurolli kuchlarini joylashtirish imkoniyati muhokama qilinmayapti va bu masala kun tartibida ham turgani yo‘q.

Oldinroq, AQShning Politico nashri AQSh kongressidagi manbalariga tayanib, Pentagon rasmiylari shu oy O‘zbekistonga tashrif buyurib, terrorizmga qarshi kurashish kuchlarini joylashtirishni muhokama qilmoqchi ekanligi haqida xabar  bergandi.