Bugun AOKA huzuridagi shtabda Koronavirusga qarshi kurashish shtabi Shuhrat Boymurodov ishtirokida brifing o‘tkazildi.

— Koronavirusga chalingan bemorlarda qon quyuqlashishi rostmi? 

— Rost. Koronavirus nafaqat nafas yo‘llarini, balki nafas yo‘llaridagi kichik qon tomirlarini ham zararlab, qon quyuqlashishiga olib kelmoqda. Shuning uchun davolash protokollariga qonni suqlashtiruvchi dori vositalari kiritildi. 

— O‘zbekistonda koronavirusga qarshi ommaviy emlash qachondan boshlanadi?

— Bu koronavirusga qarshi vaksinaning ishlab chiqilishi va ommaviy qo‘llana boshlanishiga bog‘liq. Agar dunyoda vaksina ommaviy qo‘llanila boshlansa, albatta, O‘zbekistonda ham kasallikka qarshi ommaviy emlash boshlanadi.

— Shifoxonada koronavirusga qarshi davolanish xarajatlarini kim to‘laydi — davlatmi yo o‘zimiz?

— Koronavirusni davolash bilan bog‘liq barcha xarajatlar davlat tomonidan qoplanadi.