2020 yil yakunlariga ko‘ra, O‘zbekistonda toksik va notoksik chiqindilar hosil qiladigan tashkilotlarda hosil bo‘lgan jami chiqindilar miqdori 125,6 mln. tonnaga borib yetdi. Bu haqda Davlat statistika qo‘mitasi xabar berdi.
Ushbu ko‘rsatkich hududlar kesimida tahlil qilinganda, eng yuqori chiqindilar ulush Navoiy viloyati – 48,2 %, Toshkent viloyati – 34,6 % va Jizzax viloyati – 9,1 % hissasiga to‘g‘ri kelgan.
Eng kam ulush Sirdaryo viloyati – 0,01 %, Qoraqalpog‘iston Respublikasi – 0,02 % hamda Farg‘ona viloyati – 0,03 % hissasiga to‘g‘ri kelmoqda.