YuNISEFning yoshlar o‘rtasida o‘tkazgan tadqiqot shuni ko‘rsatganki, O‘zbekistonda 14 yoshdan 30 yoshgacha bo‘lgan qizlar va yosh ayollarning 68 foizi hech qachon Internetdan foydalanmagan.

Kompyuter savodxonligi bo‘lmagan qizlar ulushi 43,5 foiz, o‘g‘il bolalar orasida esa 30,0 foizni tashkil qiladi.

“Bu ularning ta’lim olish va mehnat bozoridagi salohiyatini ro‘yobga chiqarish imkoniyatlarini sezilarli darajada kamaytiradi”, - deyilgan xabarda.

Davstatqo‘m ma’lumotlariga ko‘ra, mamlakatda internet tarmog‘iga ulangan abonentlar soni 2021 yilning 1 yanvar holatiga ko‘ra qariyb 20 milliontani tashkil etadi.