O‘zbekistonda o‘tkir respirator virusli infeksiyalar (O‘RVI) bilan kasallangan bolalar uchun qo‘shimcha besh mingdan ortiq o‘rinlar tashkil etildi. Bu haqda Sog‘liqni saqlash vazirligi matbuot xizmati xabar berdi.
Ma’lumotlarga ko‘ra, Toshkent shahridagi shifoxonalarda 884 ta, viloyatlarda 5062 ta qo‘shimcha o‘rinlar yaratilgan bo‘lib, 25 noyabr holatiga ko‘ra, poytaxtda jami o‘rinlar soni 3521 ta, respublika bo‘yicha esa 19 800 taga yetdi.
Ayni paytda poytaxt shifoxonalarida 661 ta bo‘sh o‘rin mavjud bo‘lib, viloyatlar bilan birgalikda – 4700. Taqqoslash uchun, 12 noyabr holatiga ko‘ra, Toshkent shahrida O‘RVI bilan kasallangan bolalar uchun 2637 ta, viloyatlarda 14723 ta, qo‘shimcha o‘rinlar yo‘q edi.
Bolalar o‘rtasida O‘RVI bilan kasallanishning mavsumiy o‘sishi munosabati bilan qo‘shimcha joylarni tashkil etish ishlari 13 noyabrdan boshlandi. Bunga tibbiyot muassasalariga murojaat qilish va tez yordam chaqirishlar sonining ko‘payishi yordam berdi.