2021 yilning yanvar-aprel oylari davomida O‘zbekistonga xorijdan qiymati 45,4 mln AQSh dollariga teng bo‘lgan 628,9 ming dona mobil telefonlar import qilingan.

Davlat statistika qo‘mitasi ma’lumotlariga ko‘ra, telefon importi o‘tgan yilning mos davri bilan solishtirilganda 399 568taga oshgan.

Qayd etilishicha, O‘zbekistonga 10ta davlatdan mobil telefonlar import qilingan.

Mobil telefonlar eng ko‘p import qilingan davlatlar:

• Xitoy – 422,1 ming dona;
• Vetnam – 72,9 ming dona;
• Qozog‘iston – 63,5 ming dona;
• BAA – 42,6 ming dona;
• Hindiston – 27,7 ming dona;
• Rossiya – 600 dona;
• Yaponiya – 16 dona.